Şərqi Zəngəzur regionunda turizmin inkişaf potensialları və onlardan səmərəli istifadə yolları

Xülasə

Turizm iqtisadiyyatın tərkib hissələrindən biri olmaqla ölkənin ÜDM-nin artımına təsir edən sahələrdən hesab edilir. Eyni zamanda, onun dövlətin sosial problemlərinin həllində böyük rolu vardır. Xüsusilə, işsizliyin aradan qaldırılmasına təsir edən xüsusi fəaliyyət növü hesab edilir. Regionların infrastruktur sahələrinin inkişaf etdirilməsinə, əhalinin mədəni səviyyəsinin yüksəlməsinə səbəb olur. İnsanların iş qüvvəsinin bərpasına şərait yaranır.Məqalədə turizm potensialının mahiyyəti açılır, onların təsnifatı və məqsədi müəyyən olunur. Şərqi Zəngəzur rayonunun turizm potensialı əhatəli olaraq öyrənilir və onların istifadəyə cəlb edilməsi istiqamətləri müəyyənləşdirilir.