IV sənaye inqilabi‖ modelini tətbiq edən ölkələrin xidmət sahələrindəki təcrübəsinin müqayisəli təhlili

Xülasə

Dördüncü sənaye inqilabı sələfindən mahiyyət etibarı ilə fərqlənir ki, o, uyğunlaşdırıla bilən və fərdiləşdirilmiş texnologiyalardan istifadə etməklə istehsalın daha çox avtomatlaşdırılmasını nəzərdə tutur. Maşınlar, minimal və ya heç bir insan müdaxiləsi olmadan qərarlar qəbul etmək üçün öz proseslərini koordinasiya edərək avtonom işləyir. Cihazlar müstəqil olaraq qərarlar verir, emal edir, dəyişdirir, təhlil edir və qəbul edir. Başqa sözlə, IV Sənaye İnqilabı istehsalın özünü tənzimləməsinə, özünü dərk etməsinə və fərdiləşdirilməsinə imkan verir. Maşınlar üzərində birbaşa nəzarətin həyata keçirilməsinə alternativ olaraq, insanlar indi onlarla internet vasitəsilə dolayı yolla əlaqə qururlar. IV Sənaye trendindən istifadə ilə bağlı tədbirlər və dövlətlərin təsəvvürləri onların inkişaf və tətbiq dərəcələrinə görə dəyişir. Əslində, iki fərqli qrup var: texnoloji liderlər (məsələn, Almaniya, ABŞ, Yaponiya, Sinqapur və Koreya Respublikası) və texnologiyanın tətbiqi üzərində cəmləşən bir sıra dövlətlər (məsələn, Hindistan, Çin, Tayvan). İkinci qrupa daxil olan ölkələr mövcud 
güclü tərəflərindən istifadə etməklə resursları müxtəlif prioritet sahələrə cəmləşdirir və tətbiq edirlər. 4-cü Sənaye İnqilabı zamanı qabaqcıl texnologiyaların ortaya çıxması yeni məhsul və xidmətlərin inkişafını asanlaşdırır, istehsalın səmərəliliyini artırır və istehsal sektorunda uzunmüddətli innovasiya 
və tərəqqiyə təkan verir. Bu texnologiyalara azaldılmış nəqliyyat və kommunikasiya xərcləri, daha sadələşdirilmiş təchizat zəncirləri və azaldılmış ticarət xərcləri daxildir. Bu məqalədə “IV Sənaye İnqilabı” modelini tətbiq edən ölkələrin xidmət sahələrindəki təcrübələri nəzərdən keçirilmişdir. Məqalədə əldə edilmiş nəticələr xidmət sektorunda rəqəmsallaşmanı tədqiq edən müəlliflər üçün bir nəzəri resurs rolunu oynaya bilər.