İdarəetmə uçotu və onun təkmilləşdirilməsi

Xülasə

Məqalədə idarəetmə uçotundan bəhs olunur. Müasir dövrdə idarəetmə uçotu Azərbaycanda kənd təsərrüfatı və sənaye ilə yanaşı bəzi texnoloji sahələrdə də öz əksini tapır. İdarəetmə uçotunun tənzimlənməsi rəhbərlik tərəfindən həyata keçirilir. Orda çalışan struktur bölmə işçiləri də idarə olunan rəhbərliyə tabedirlər.Verilən qərarlar idarəetmə uçotunda rəhbərlikdən onun alt struktur işçilərinə
həvalə olunur. Daxili istifadəçilər idarəetmə uçotunun məlumatlarından strategiya hazırlamaq, işləri planlaşdırmaq, qərarları qəbul etmək və resursların istifadəsinin optimallaşdırılması məqsədi ilə istifadə edirlər. Beləliklə, idarəetmə uçotu maya dəyərinin kalkulyasiyası, daxili prosedurlarla bağlı qərarların verilməsi, büdcə və digər proqnozlaşdırılmış hesabatların təqdim edilməsinə kömək edir.