Azərbaycan Respublikasında azad iqtisadi zonaların formalaşması və inkişafın sosialiqtisadi aspektləri

Xülasə

İnformasiya texnologiyalarının cəmiyyətin bütün təbəqələri tərəfindən inkişafı və geniş tətbiqi dünya inkişafının qlobal tendensiyasıdır. İnformasiya texnologiyalarından istifadə vətəndaşların həyat səviyyəsinin yüksəldilməsi və milli iqtisadiyyatın rəqabət qabiliyyətinin artırılması, onun dünya iqtisadi sisteminə inteqrasiya imkanlarının genişləndirilməsi üçün həlledici əhəmiyyətə malikdir. Tədqiqat işi XXI əsrdə aktual mövzulardan olan – “Rəqəmsal xüsusi iqtisadi zonalar və onların inkişaf perspektivləri” mövzusuna həsr edilmişdir. Dünya iqtisadiyyatının informasiyalaşdırılması qlobal telekommunikasiya şəbəkələrinin yaradılması, internetin inkişafı, yeni texnologiyaların, proqram təminatının və yüksək texnologiyalı avadanlığın hazırlanması, dünya İT xidmətləri bazarının inkişafı 
qloballaşmanın xarakterini və onun inkişaf tempini müəyyən etmişdir.