Aqrobiznesdə risklərin minimallaşdırılmasının yolları

Xülasə

Risk anlayışı bu gün aqrar sektorda gündəmi daha çox məşğul etməkdədir. Gözlənilən və gözlənilməz hədə, təhlükə amillərini əhatə edən risk anlayışının həm bütün dünyada, həm də ölkəmizdə daha dərin öyrənilməsi və daha geniş tətbiqi prioritet sayılan əsas məsələlərdən birinə çevrilmişdir. Bu məzmunda risk ilə bağlı bir çox işlər aparılmış və aparılmaqdadır. Günümüzün artan rəqabət şərtləri, müxtəlif sahələrdə yaranmış və yaranmaqda olan müxtəlif problemlər gələcəyə istiqamətli qeyri-müəyyənlikləri artırmaqdadır. Gözlənilən və gözlənilməyən təhlükə və hədələrə qarşı tədbirlər görərək yaşanacaq mənfiliklərdən qorunmaq kənd təsərrüfatında çalışanların istəyi çərçivəsindən çıxaraq həyata keçirilməsi qaçılmaz bir prosesə çevirilmişdir