Ölkənin sosial-iqtisadi inkişafında kiçik və orta biznesin rolu və inkişaf yolları

Xülasə

Müasir zamanda ölkə iqtisadiyyatının səmərəli inkişafı zamanın tələbidir, bu isə öz növbəsində kiçik və orta biznesin inkişaf etdirilməsindən asılıdır. Kiçik və orta biznesin inkişafı ölkədə məşğulluq problemini həll etməyə kömək edir, iqtisadiyyatın ixrac potensialını, rəqabətqabiliyyətini və səmərəliliyini artıtır, dövlət büdcəsinin formalaşmasında iştirak edir. Milli sərvətin və resursların əsas hissəi kiçik biznes sektorunda yaradılır və dövr edir. Beləliklə, müxtəlif yollarla kiçik biznesi inkişaf etdirərək iqtisadi və sosial inkişafda böyük nəticələr əldə etmək olar. Məqalə ölkənin sosial-iqtisadi inkişafında kiçik və orta biznesin rolunun müəyyən edilməsinə və inkişaf yollarının tədqiqinə həsr edilmişdir.